<AI1>

1    Ymddiheuriadau a chyhoeddiadau

 

</AI1>

<AI2>

2    Cofnodion y Cyfarfod Blaenorol

 

Nododd y Pwyllgor y cofnodion ar gyfer eu cyhoeddi.

 

 

</AI2>

<AI3>

3    Trefn Busnes

 

</AI3>

<AI4>

3.1         Busnes yr wythnos hon

 

Rhoddodd y Gweinidog Llywodraeth Leol a Busnes y Llywodraeth y wybodaeth ddiweddaraf i’r Pwyllgor am newidiadau i fusnes y Llywodraeth.

 

Cynhelir y Cyfnod Pleidleisio ddydd Mawrth ar ôl yr eitem olaf o fusnes. Cytunodd y Pwyllgor Busnes y dylid cynnal y Cyfnod Pleidleisio cyn y Ddadl Fer ddydd Mercher.

 

 

</AI4>

<AI5>

3.2         Busnes y Llywodraeth ar gyfer y tair wythnos nesaf

 

Nododd y Pwyllgor Busnes Amserlen Busnes y Llywodraeth ar gyfer y tair wythnos nesaf.

 

Dywedodd y Dirprwy Lywydd fod Adnewyddu’r Polisi Newid Hinsawdd yn bwnc pwysig o ddiddordeb yng nghyfarfod diweddar y Pwyllgor Craffu ar Waith y Prif Weinidog, a chredai efallai y byddai datganiad llafar yn briodol.

 

Holodd y Rheolwyr Busnes pam bod y Rheoliadau Lles Anifeiliaid wedi cael eu gohirio tan fis Medi; cytunodd y Gweinidog Llywodraeth Leol a Busnes y Llywodraeth i roi’r wybodaeth ddiweddaraf yn y cyfarfod yr wythnos nesaf.

 

 

</AI5>

<AI6>

3.3         Amserlen busnes y Cynulliad ar gyfer y tair wythnos nesaf

 

Penderfynodd y Pwyllgor Busnes drefn y busnes a chytunodd i amserlennu’r eitemau canlynol o fusnes:

 

Dydd Mercher 24 Medi 2014

 

·         Amser a neilltuwyd i’r Ceidwadwyr Cymreig (60 munud)

 

·         Amser a neilltuwyd i Blaid Cymru (60 munud)

 

·         Amser a neilltuwyd i Ddemocratiaid Rhyddfrydol Cymru (60 munud)

 

·         Dadl Fer (30 munud)

 

 

</AI6>

<AI7>

4    Deddfwriaeth

 

</AI7>

<AI8>

4.1         Memorandwm Cydsyniad Deddfwriaethol Atodol:  Y Bil Dadreoleiddio

 

Trafododd y Pwyllgor Busnes bapur gan y Llywodraeth ynghylch Memorandwm Cydsyniad Deddfwriaethol atodol mewn perthynas â’r Bil Dadreoleiddio yn ymwneud â deddfwriaeth ynglŷn â blaendaliadau tenantiaeth.

 

Cytunodd y Rheolwyr Busnes i gyfeirio’r Memorandwm Cydsyniad Deddfwriaethol atodol at y Pwyllgor Cymunedau, Cydraddoldeb a Llywodraeth Leol er mwyn iddo graffu arno. Cytunodd y Pwyllgor Busnes hefyd y dylai’r Pwyllgor gyflwyno adroddiad ar y Memorandwm Cydsyniad Deddfwriaethol atodol erbyn 2 Hydref 2014 er mwyn i’r Cynnig Cydsyniad Deddfwriaethol atodol gael ei drafod yn y Cyfarfod Llawn ar 7 Hydref 2014.

 

 

</AI8>

<AI9>

5    Cyllideb

 

</AI9>

<AI10>

5.1         Amserlen ar gyfer Cyllideb 2015-16:  Llythyr gan Gadeirydd y Pwyllgor Cyllid

 

Nododd y Pwyllgor Busnes lythyr gan Gadeirydd y Pwyllgor Cyllid yn cadarnhau bod y Pwyllgor yn fodlon  gweithio at y dyddiad cau arfaethedig o 11 Tachwedd 2014 i gyflwyno adroddiad ar y gyllideb ddrafft.

 

Cadarnhaodd Rheolwyr Busnes y dyddiad cau a bydd Ysgrifenyddiaeth y Pwyllgor Busnes yn cyhoeddi’r amserlen ar gyfer ystyried y gyllideb, yn unol â Rheol Sefydlog 20.4 ac yn rhoi gwybod i gadeiryddion pwyllgorau.

 

 

</AI10>

<AI11>

6    Pwyllgorau

 

</AI11>

<AI12>

6.1         Bil Cymru: Llythyr gan Gadeirydd y Pwyllgor Materion Cyfansoddiadol a Deddfwriaethol

 

Ystyriodd y Pwyllgor Busnes lythyr gan Gadeirydd y Pwyllgor Materion Cyfansoddiadol a Deddfwriaethol yn tynnu sylw Rheolwyr Busnes at argymhelliad yn adroddiad y Pwyllgor Materion Cyfansoddiadol a Deddfwriaethol ar Memorandwm Cydsyniad Deddfwriaethol y Bil Cymru. Mae’r adroddiad yn argymell bod y Pwyllgor Busnes yn edrych ar ddiwygio Rheol Sefydlog 29 i gynnwys rhoi swyddogaethau ar y Cynulliad o fewn ei gwmpas.

 

Cadarnhaodd Rheolwyr Busnes eu bod yn fodlon i swyddogion weithio gyda Llywodraeth Cymru i fwrw ymlaen â’r argymhelliad hwn, ac i ddod â phapur i roi’r wybodaeth ddiweddaraf i’r Pwyllgor Busnes am y cynnydd a wnaed, mewn cyfarfod yn y dyfodol.

 

Bydd y Llywydd yn ysgrifennu at Gadeirydd y Pwyllgor Materion Cyfansoddiadol a Deddfwriaethol i roi gwybod am benderfyniad y Pwyllgor.

 

 

</AI12>

<AI13>

7    Cyfarfod Llawn

 

</AI13>

<AI14>

Cymeradwyodd y Pwyllgor Busnes y trefniadau cyflwyno arfaethedig ar gyfer toriad yr haf.

 

</AI14>

<AI15>

7.1         Trefniadau Cyflwyno yn ystod Toriad yr Haf

 

Uwchgynhadledd NATO

 

Atgoffodd y Llywydd y Rheolwyr Busnes y bydd sesiwn friffio arbennig gyda’r heddlu i holl Aelodau’r Cynulliad ar uwchgynhadledd NATO yn syth ar ôl y Cyfarfod Llawn ddydd Mawrth yn ystafell friffio’r cyfryngau.

 

Dadleuon a Phwyllgorau’r Gwrthbleidiau

 

 Yn dilyn y ddadl ar dwristiaeth yr wythnos ddiwethaf, lle mynegodd aelodau’r pwyllgor, gan gynnwys Cadeirydd, farn ar fater a oedd ar hyn o bryd yn destun ymchwiliad gan bwyllgor. Cododd y Llywydd bryderon y gallai tystion gael eu troi yn erbyn rhoi tystiolaeth os ydynt yn gweld bod yr Aelodau eisoes wedi gwneud eu penderfyniad. Gofynnodd y Llywydd i’r Rheolwyr Busnes ystyried hyn.

 

Adolygiad o Gwestiynau Llafar y Cynulliad

 

 Yn dilyn ystyriaeth yr wythnos ddiwethaf o gynigion i adolygu Cwestiynau Llafar y Cynulliad, holodd Elin Jones am yr amserlen ar gyfer unrhyw newidiadau. Cytunodd y Llywydd i ddod â phapur i gyfarfod y Pwyllgor Busnes yr wythnos nesaf.

 

 

</AI15>

<TRAILER_SECTION>

</TRAILER_SECTION>

<LAYOUT_SECTION>

1.FIELD_TITLE

 

FIELD_SUMMARY

 

</LAYOUT_SECTION>

<TITLE_ONLY_LAYOUT_SECTION>

2.FIELD_TITLE

 

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

 

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

 

FIELD_SUMMARY

</ TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

 

</ COMMENT_LAYOUT_SECTION>

 

<SUBNUMBER_LAYOUT_SECTION>

2(i)FIELD_TITLE

 

FIELD_SUMMARY

 

</SUBNUMBER_LAYOUT_SECTION>

 

<TITLE_ONLY_SUBNUMBER_LAYOUT_SECTION>

2(ii)FIELD_TITLE

 

</TITLE_ONLY_SUBNUMBER_LAYOUT_SECTION>